SASA MWANZA NI KILA KITU

SASA MWANZA NI KILA KITU

KARIBU KISIWA CHA RUBONDO

KARIBU KISIWA CHA RUBONDO

ZIMA KILA KITU ILA WASHA JEMBE FM 93.7 MWANZA

ZIMA KILA KITU ILA WASHA JEMBE FM 93.7 MWANZA

Tuesday, February 20, 2018

MAKMU WA RAIS AZINDUA MABWENI YA KISASA YA WASICJHANA SHULE YA SEKONDARI IDETEMYA MISUNGWI.




Mwishoni mwa mwaka 2016 Makamu wa Rais wa Jamuhuri ya Muungano wa Tanzania Mhe.Samia Suluhu Hassan alizindua mabweni ya kisasa ya wasichana katika shule ya sekondari Idetemya iliyopo wilaya ya Misungwi mkoani Mwanza.

Mabweni hayo yalijengwa na shirika la ASAP (Africa School Asistance Project) kutoka Marekani linalosaidia maendeleo ya elimu barani Afrika kupitia mradi wake wa Kupanda wenye lengo la kuhakikisha mazingira ya shule yanaboreshwa hususani kwa wanafunzi wa kike ili waweze kupata fursa ya kumaliza elimu.
Ungana nasi ili kujionea mabweni hayo mwanzo hadi mwisho na pia namna yalivyosaidia kuleta mabadiliko ya ufaulu katika shule hiyo ya Idetemya hususani kwenye ufaulu wa wanafunzi wa kike katika matokeo ya kidato cha nne.

MACHIMBO YA NYAKAVANGALA KUFUNGULIWA MACHI, 2018

CAPTIONS
1
Naibu Waziri wa Madini, Doto Biteko akizungumza na Wachimbaji Madini wa Machimbo ya Dhahabu ya Nyakavangala Wilayani Iringa (hawapo pichani) wakati wa ziara yake mgodini hapo.
2
Sehemu ya eneo la Machimbo ya Dhahabu ya Nyakavangala Wilayani Iringa ambalo lilitembelewa na Naibu Waziri wa Madini, Doto Biteko (hayupo pichani) baada ya kufungwa kufuatia ajali iliyotokea Januari 30, 2018 na kusababisha vifo vya wachimbaji wawili.
3
Baadhi ya Wachimbaji kwenye Machimbo ya Dhahabu ya Nyakavangala Wilayani Iringa wakimsikiliza Naibu Waziri wa Madini, Doto Biteko (aliyeshika kipaza sauti) wakati wa ziara yake mgodini hapo.
4
Naibu Waziri wa Madini, Doto Biteko akizungumza mara baada ya kukagua moja ya shimo la dhahabu kwenye Machimbo ya Nyakavangala Wilayani Iringa.
5
Naibu Waziri wa Madini, Doto Biteko (kulia) akimsikiliza Mkuu wa Wilaya ya Iringa, Richard Kasesela (hayupo pichani) wakati wa ziara yake kwenye Machimbo ya Dhahabu ya Nyakavangala, Wilayani Iringa. Kushoto ni Mkuu wa Mkoa wa Iringa, Amina Masenza.
6
Naibu Waziri wa Madini, Doto Biteko (mwenye shati jeupe) akijadiliana jambo na Mkuu wa Wilaya ya Iringa, Richard Kasesela (wa pili kushoto) walipotembelea eneo linalotumika kuhifadhia marudio ya mchanga wa dhahabu kutoka kwenye Machimbo ya Nyakavangala. Wa pili kulia ni Mkuu wa Mkoa wa Iringa, Amina Masenza.


Na Mohamed Saif
Serikali imeagiza hadi kufikia Machi 5, 2018 Ukaguzi wa Usalama kwenye eneo la Machimbo ya Dhahabu ya Nyakavangala Wilayani Iringa uwe umekamilika na machimbo hayo yawe yamefunguliwa ili kuruhusu shughuli za uchimbaji zilizokuwa zimesimamishwa zianze. 

Naibu Waziri wa Madini,  Doto Biteko alitoa agizo hilo Februari 19, 2018 alipofanya ziara kwenye machimbo hayo yaliyoko katika Kata ya Malengamakali, Wilayani Iringa ili kujionea hali halisi ya machimbo husika pamoja na kuzungumza na wachimbaji waliosimamishwa kuendeleza shughuli zao hadi hapo ukaguzi utakapokamilika.

“Serikali haifurahishwi kuona shughuli za uchumi kwenye eneo hili la Machimbo ya Nyakavangala zimesimama kutokana na shughuli za uchimbaji kusimamishwa kutokana na ajali,” alisema.

Serikali ilisitisha shughuli za uchimbaji Madini kwenye machimbo hayo ya Nyakavangala Februari 12, 2018 baada ya kutokea vifo vya Wachimbaji Wawili Tarehe 30 Januari, 2018 kutokana na kufanya shughuli zao bila kuzingatia taratibu na kanuni za uchimbaji salama.

Biteko aliagiza wakaguzi kukamilisha zoezi hilo haraka ili shughuli za uchimbaji ziendelee na aliwataka wachimbaji hao kuwa na subira wakati zoezi hilo la tathmini likiendelea ili kuepusha maafa mengine kutokea.

“Mgodi huu hautafunguliwa bila kukamilisha zoezi la ukaguzi kwahiyo ndani ya wiki mbili kutoka leo Wakaguzi wawe wamekamilisha ili mgodi uanze kazi na shughuli za uchumi zilizokuwa zikifanyika mgodini hapa zirejee,” alisema Biteko.

Aidha, Biteko aliwaonya wachimbaji madini nchini kuacha kufanya shughuli za uchimbaji kwa mazoea badala yake wahakikishe wanafuata sheria na taratibu za uchimbaji salama ili kuepusha ajali inayopelekea kuzorota kwa shughuli za kiuchumi baada ya migodi husika kufungwa.

Aliongeza kuwa Serikali itaendelea kuifungia migodi inayosababisha ajali na hivyo aliwasisitiza wachimbaji kote nchini kuhakikisha wanafuata ushauri wa kitaalam wanaopewa na Maafisa Madini.

"Maisha ya mtu mmoja ni muhimu kuliko shughuli zote za uzalishaji mgodini, ikitokea kifo kwa sababu ya ajali tunafunga mgodi," alisema Biteko.

Sambamba na hilo, Biteko aliwaagiza Wakaguzi wa Migodi kuhakikisha wanatembelea mara kwa mara maeneo ya machimbo ili kujionea hali ya uchimbaji pamoja na kutoa mafunzo ya uchimbaji bora na salama kwa wachimbaji ili kuepusha ajali.

Naibu Waziri Biteko alifanya ziara kwenye machimbo ya Nyakavangala ili kujionea hatua za kiusalama zilizofikiwa tangu kufungwa kwa machimbo hayo kufuatia matukio matatu ya ajali yaliyotokea kwa nyakati tofauti ambayo yalisababisha vifo vya Wachimbaji Wanne.

Kwa mujibu wa taarifa ya Mkurugenzi wa Halmashauri ya Iringa, Robert Masunya ilielezwa kuwa, tukio la kwanza la ajali lilitokea Juni 12, 2017 na kusababisha kifo cha Mchimbaji Mmoja, la pili lilitokea Novemba 30, 2017 na kisababisha kifo cha Mchimbaji Mmoja na tukio la tatu lilitokea Januari 30, 2018 na kusababisha vifo vya wachimbaji wawili.

Katika ziara hiyo, Naibu Waziri Biteko aliambatana na Mkuu wa Mkoa wa Iringa, Amina Masenza, Mkuu wa Wilaya ya Iringa, Richard Kasesela, Kamati za Ukinzi na Usalama za Mkoa na Wilaya ya Iringa na Wataalam kutoka Wizara ya Madini.

Monday, February 19, 2018

VIDEO: WAZIRI MKUU USO KWA USO NA KERO SUGU ZA WANANCHI WILAYANI KWIMBA



 VIDEO/PICHA NA ZEPHANIA MANDIA WA GSENGO TV

WAZIRI Mkuu Kassim Majaliwa, amepokelewa kwa mabango na nyimbo za kudai huduma ya maji, Jimbo la Kwimba Mkoa wa Mwanza.

Kero nyingine aliyokumbana nayo ni, huduma mbovu za afya kwa baadhi ya maeneo, dhuruma za ardhi na wanafunzi kukaa chini darasani.

Sunday, February 18, 2018

MWALIMU AJINYONGA BAADA YA KUMUUA MKEWE.

Mwalimu wa shule ya msingi Dutumi iliyopo tarafa ya Mvuha Morogoro aliyefahamika kwa jina ya Rahaleo Salehe Kazimbaya amejinyonga hadi kufa kwa kutumia Kanga kujitundika kwenye mti wa Mwembe mda mfupi baada ya kumuua mkewe Sikilinda Magumba.

Kwa mujibu wa taarifa ya Jeshi la polisi bwana Rahaleo Kazimbaya usiku wa kuamkia leo akiwa nyumbani kwake mtaa wa Kambi Tano, Kata ya Lukobe Manispaa ya Morogoro alimuuwa mkewe huyo kwa kumchoma visu sehemu mbalimbali kwenye mwili wake na kupelekea kupoteza maisha, kisha baada ya kutukeleza mauaji hayo na yeye alichukua kanga na kujinyonga.

Mpaka sasa bado haijafahamika nini chanzo cha mwalimu huyo kufanya muaji hayo kwa mkewe kisha na yeye kujinyonga, ila jeshi la polisi limechukua miili ya watu hao mtu na mkewe na kwenda kuihifadhi mochwari.

Aidha Jeshi la polisi linaendelea na upelelezi kufuatia vifo hivyo .

ZIARA YA WAZIRI MKUU KASSIM MAJALIWA,JIMBO LA KWIMBA MKOANI MWANZA AMBAPO ALIZINDUA MRADI MKUBWA WA MAJI.​

 Na Zephania Mandia wa gsengo tv.

WAZIRI Mkuu Kassim Majaliwa, amepokelewa kwa mabango na nyimbo za kudai huduma ya maji, Jimbo la Kwimba Mkoa wa Mwanza.

Kero nyingine aliyokumbana nayo ni, huduma mbovu za afya kwa baadhi ya maeneo, dhuruma za ardhi na wanafunzi kukaa chini darasani.
 Aidha, Waziri Mkuu alimuweka kitimoto Mkurugenzi wa Halmashauri ya Kwimba, Pendo Malebeja, kwa kushindwa kusimamia vema matumizi ya fedha za miradi.

"Maji, maji, maji, maji." walisikika wananchi wakiimba kwa sauti ya juu, wakati Waziri Mkuu Majaliwa, alipowasili Kijiji cha Igumangobo katika ziara yake wilaya hapa.

Aidha baadhi ya wananchi walimuonesha mabango mbalimbali kiongozi huyo, wakilalamikia kukosa maji.

"Mheshimiwa Waziri Mkuu ahsante umekuja. Tatizo kubwa ni maji. Maji, maji. Tusaidie maji.

"Mbunge wetu Mansoor (Hanif) katusaidia mambo mengi, tunampongeza sana. Mbunge mchapakazi, tuleteeni maji." Yalisomeka baadhi ya mabango hayo, yaliyotolewa mbele ya kiongozi huyo.

 Awali Mbunge wa Jimbo la Kwimba, Shanif Mansoor, alimueleza Waziri Mkuu kuwa mradi wa maji Kijiji cha Shilima, mradi umekwama tangu 2013.

"Tatizo kubwa hapa mheshimiwa Waziri Mkuu ni maji. Miaka minne, mitano tunasubili maji.

"Tunababaishwa, tunababaishwa tu. Kwenye mradi wa maji wa Shilima mpaka mabomba yameoza, mradi umekwama," alisema Mbunge Mansoora.
 Kufuatia hali hiyo, Majaliwa akizungumza na wananchi Kijiji cha Igumangobo, alilazimika kumuweka kitimoto Mhandisi wa Maji wilayani hapa, Pius Boaz, akitaka majibu ya kero hiyo.

Alisema licha ya Serikali kutiririsha fedha za miradi ya maendeleo nchini, Halmashauri ya Wilaya ya Kwimba imekuwa shimo la fedha za umma.

"Yaani kila miradi ya maji tunayoiletea fedha hapa Kwimba haikamiliki. Kwa nini?

"Ipo miradi ya mwaka 2013, 2014 na 2016  fedha zimeletwa, miradi haiishi na fedha hazijulikani zipo wapi," alisema Waziri Mkuu huku baadhi ya wananchi wakisikika wakimuomba aondoke na watendaji wa halmashauri.

 Awali, Mhandisi wa maji Wilaya ya Kwimba, Pius Boaz, wakati akihojiwa na Waziri Mkuu juu ya miradi ya maji kukwama, alijikuta akimuita kiongozi huyo 'Mwenyekiti.'

Akijibu suala hilo la maji, Boaz alikiri mradi wa Shilima kusimama kutokana na mabomba ya mradi yapo chini ya kiwango.

"Mheshimiwa mwenyekiti (kicheko)," alisema Mhandisi Boaz, huku Majaliwa akisema 'mimi siyo mwenyekiti.


Akiwa Ngudu mjini, Waziri Mkuu alionekana kuchukizwa na usimamizi mdogo wa fedha za miradi ya maendeleo, unaofanywa na Mkurugenzi Malebeja.

Hata hivyo, Mkurugenzi Malebeja alipoulizwa na Majaliwa fedha zilizotumika kujenga zahanati ya Hungumalwa, alisema hajui kauli aliyoirudia pia kwenye kikao cha ndani.

"Kipindi chako Mkurugenzi (Pendo Malebeja) umekuwa ukipata hati chafu, hati chafu, chafu tu.

"Halmashauri ya Kwimba imekuwa shimo la fedha za Serikali. Sasa mkurugenzi nitakuletea mrejesho.

"Kuna mchwa, fedha za miradi tunaleta miradi haikamiliki na fedha hazionekani. Sasa Mkurugenzi nitakuletea ," alisema Majaliwa akionekana kukerwa na matumizi mabaya ya fedha kwa halmashauri hiyo.

CCM YACHEKELEA KINONDONI.


Mgombea wa Chama Cha Mapinduzi Ndugu Maulid Mtulia ametangazwa mshondi wa kiti cha Ubunge jimbo la Kinondoni kwenye uchaguzi wa marudio uliofanyika jana baada ya kupata kura 30,247 akifuatiwa na Salum Mwalimu wa Chadema aliyepata kura 12,353 #JembeHabari

DEREVA, KONDAKTA WASIMULIA TUKIO LA MWANAFUNZI WA NIT KUPIGWA NA RISASI


Dereva na kondakta wa daladala alilopanda mwanafunzi wa Chuo cha Taifa cha Usafirishaji (NIT), Akwilina Akwiline aliyeuawa juzi kwa kupigwa risasi na polisi wamesimulia mkasa ulivyokuwa.Akwilina alikuwa mwanafunzi wa mwaka wa kwanza wa Shahada ya Ununuzi na Ugavi (Procurement and Logistics) katika chuo hicho, lakini maisha yake yalikatishwa juzi akiwa ndani ya basi la daladala.

Saturday, February 17, 2018

KINONDONI, SIHA WAAAMUA.

ZOEZI la upigaji kura katika Uchaguzi Mdogo wa Ubunge na Udiwani katika baadhi ya maeneo, Tanzania Bara limeanza limeanza rasmi asubuhi hii ya leo tarehe Februari 17, 2018 ambapo majimbo mawili ya Kinondoni jijini Dar es Salaam na Siha mkoani Kilimanjaro yatakuwa kwenye mchakato wa kuwachagua wabunge wao baada ya waliokuwepo kujiuzulu.

Vile vile, uchaguzi huo utafanyika kwa Madiwani katika Kata nane Tanzania Bara na kuhusisha wapiga kura 355,131 walioandikishwa katika Daftari la Kudumu la Wapiga Kura na kutakuwa na vituo vya kupigia kura 867.

Vituo vya kupigia kura vimefunguliwa mapema leo asubuhi saa 2:00 huku wananchi wakijitokeza kuchagua viongozi wawakilishi wao na ulinzi ukiwa umeimarishwa na jeshi la polisi.

Katika Jimbo la Kinondoni, Said Mtulia wa CCM anachuana na Salum Mwalimu wa Chadema ambapo Siha, Elvis Christopher Mosi wa Chadema akichuana na Dkt. Godwin Ole Mollel wa CCM.

Friday, February 16, 2018

HATIMAYE DR. SLAA APANGIWA KITUO CHA KAZI


Rais wa Jamuhuri ya muungano wa Tanzania John Pombe Magufuli hatimaye hii leo  amemuapisha Dr. Wilbroad Slaa kuwa Balozi wa Tanzania nchini Sweden, tukio ambalo limefanyika mapema hii leo.

 

Si yeye tu Balozi Dkt. Slaa, bali pia ameapishwa Balozi Mboweto nao mapema hii leo wamesikika hivi wakila kiapo cha uaminifu mbele ya Rais Magufuli. 


Rais wa Jamhuri ya Muungano wa Tanzania Dkt John Pombe Magufuli akimuapisha Bw. Muhidin Mboweto kuwa Balozi wa Tanzania nchini Nigeria katika hafla iliyofanyika Ikulu jijini Dar es salaam asubuhi leo Februari 16, 2018
Rais wa Jamhuri ya Muungano wa Tanzania Dkt John Pombe Magufuli akimuapisha Dkt. Wilbrod Slaa kuwa Balozi wa Tanzania nchini Sweden katika hafla iliyofanyika Ikulu jijini Dar es salaam asubuhi leo Februari 16, 2018
Rais wa Jamhuri ya Muungano wa Tanzania Dkt John Pombe Magufuli akiashuhudia Balozi wa Tanzania nchini Nigeria Mhe. Muhidin Mboweto na Balozi wa Tanzania nchini Sweden Dkt. Wilbroad Slaa wakila kiapo cha maadili ya viongozi baada ya kula kiapo kuwa mabalozi katika hafla iliyofanyika Ikulu jijini Dar es salaam asubuhi leo Februari 16, 2018
Rais wa Jamhuri ya Muungano wa Tanzania Dkt John Pombe Magufuli pamoja na Balozi wa Tanzania nchini Nigeria Mhe. Muhidin Mboweto na Balozi wa Tanzania nchini Sweden Dkt. Wilbroad Slaa wakimsikiliza Naibu Waziri wa Mambo ya Nje na Ushirikiano wa Afrika Mashariki Dkt. Suzan Kolimba akiongea machache baada ya mabalozi hao kula kiapo katika hafla iliyofanyika Ikulu jijini Dar es salaam asubuhi leo Februari 16, 2018 
Rais wa Jamhuri ya Muungano wa Tanzania Dkt John Pombe Magufuli akimpongeza Mhe. Muhidin Mboweto kuwa Balozi wa Tanzania nchini Sweden katika hafla iliyofanyika Ikulu jijini Dar es salaam asubuhi leo Februari 16, 2018 
Rais wa Jamhuri ya Muungano wa Tanzania Dkt John Pombe Magufuli akimpongeza Dkt. Wilbrod Slaa baada ya kumuapisha kuwa Balozi wa Tanzania nchini Sweden katika hafla iliyofanyika Ikulu jijini Dar es salaam asubuhi leo Februari 16, 2018 
Rais wa Jamhuri ya Muungano wa Tanzania Dkt John Pombe Magufuli akisalimiana na Mnadhimu Mkuu wa JWTZ Luteni Jenerali Yakubu Mohamed aliyeungana na viongozi wengine wa vyombo vya ulinzi na usalama kushuhudia kuapishwa kwa Balozi wa Tanzania nchini Nigeria Mhe. Muhidin Mboweto na Balozi wa Tanzania nchini Sweden Dkt. Wilbroad Slaa katika hafla iliyofanyika Ikulu jijini Dar es salaam asubuhi leo Februari 16, 2018 
Rais wa Jamhuri ya Muungano wa Tanzania Dkt John Pombe Magufuli, Naibu Waziri wa Mambo ya Nje na Ushirikiano wa Afrika Mashariki Dkt. Suzan Kolimba, Katibu Mkuu Kiongozi Balozi John Kijazi, Kamishna wa Maadili katika Sekretarieti ya Maadili ya Viongozi wa Umma Jaji (Mst) Harold Nsekela na Naibu Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Ramadhan Muombwa Mwinyi wakiwa katika picha ya kumbukumbu na Balozi wa Tanzania nchini Nigeria Mhe. Muhidin Mboweto na Balozi wa Tanzania nchini Sweden Dkt. Wilbroad Slaa baada ya mabalozi hao kula kiapo katika hafla iliyofanyika Ikulu jijini Dar es salaam asubuhi leo Februari 16, 2018 
Rais wa Jamhuri ya Muungano wa Tanzania Dkt John Pombe Magufuli, Naibu Waziri wa Mambo ya Nje na Ushirikiano wa Afrika Mashariki Dkt. Suzan Kolimba, Katibu Mkuu Kiongozi Balozi John Kijazi, Kamishna wa Maadili katika Sekretarieti ya Maadili ya Viongozi wa Umma Jaji (Mst) Harold Nsekela na Naibu Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Ramadhan Muombwa Mwinyi na wakuu wa vyombio vya ulinzi na usalama wakiwa katika picha ya kumbukumbu na Balozi wa Tanzania nchini Nigeria Mhe. Muhidin Mboweto na Balozi wa Tanzania nchini Sweden Dkt. Wilbroad Slaa baada ya mabalozi hao kula kiapo katika hafla iliyofanyika Ikulu jijini Dar es salaam asubuhi leo Februari 16, 2018 
Rais wa Jamhuri ya Muungano wa Tanzania Dkt John Pombe 

Thursday, February 15, 2018

CONTE ARUSHIWA JEZI YA MAN UNITED KWENYE MKUTANO NA WANAHABARI.



 Kupitia mkutano wake na waandishi wa habari mapema hii leo siku ya Alhamisi meneja wa Chelsea, Antonio Conte amekabidhiwa jezi ya Manchester United na Pranksters iliyosainiwa na kocha wa Man United, Jose Mourinho.

Watangazaji wa kipindi cha Italia 1 satirical show Le Iene , Alessandro Onnis na Stefano Corti walifanikiwa kukamilisha zoezi hilo baada ya jezi hiyo kusainiwa na Mourinho mwezi uliyopita huko The Lowry Hotel Manchester.

Mjumbe aliyefikisha jezi hiyo alimuonyesha Conte pia kipande cha video kutoka kwa Onnis na Corti kinachoelezea.

“Antonioooo, tume kutumia mjumbe kukuwakilishia jezi iliyosainiwa na rafiki yako mpya Joseee Mourinhoooo. Ametuambia kuwa anakupenda tazama alichokiandika hapo mbele ya jezi na kutupatia tukupe, rafiki yako , Jos amesema.” Ujumbe wa video kutoka kwa Onnis na Corti.

“Unaweza kutuahidi kuwa mchezo ujao utakao cheza dhidi yake mtakubaliana kuwa marafiki?,  tuambie, Antonio urafiki wenu utadumu milele.”

Hata hivyo Conte ameonekana kusuasua kutoa majibu na kupokea jezi hiyo wakati wa mkutano huo mbele ya waandishi wa habari na kumtaka prankster kusubiri mpaka kumalizika kwa kikao hicho.

DANCER WA FM CADEMIA APANDWA MIZUKA NA KUVUA NGUO KWEUPEE USIKU WA VALENTINE MJINI ARUSHA


Sikukuu ya Valentine ndani ya mji wa Arusha ilikuwa fresh ile kinyama, lakini vituko havikukosekana tizama kideo hiki mpaka mwisho utapata majibu ya swali jeh Pesa ni sabuni ya Roho au Pesa Nyok**?

METDO TANZANIA IMEENDELEA NA ZIARA YAKE KUTOA ELIMU YA MAZINGIRA NA USALAMA MAHALA PA KAZI KWA WACHIMBAJI WADOGO.



Asasi ya Mining and Environmental Transformation for Development Organization ( METDO Tanzania) imendelea na Ziara  yake kutoa Elimu ya Mazingira na Usalama mahala pa Kazi kwa Wachimbaji wadogo.

Lengo ni kuhakikisha wanafanya uzalishaji wakiwa salama na Mazingira  salama.

Serikali imekuwa ikipoteza kodi nyingi kwa wachimbaji wadogo hii ilitokana na kutoweka taratibu katika Halmashauri  zote Nchini. 

Tunaomba TRA , MADINI ,Wakusanyaji ushuru  wa Halmashauri na Wahusika wa Mazingira. 
Ili  mrabaha 6%* , Kodi TRA 5% na *Pato la Halmashauri *0.3%  kodi zote zikusanywe kwa Wachimbaji kwa wakati mmoja

 # Tuyatunze* Mazingira yatutunze,Tutumie Rasilimali zetu kwa ajili ya kuinua Uchumi wa Watanzania na kuijenga Tanzania

KIJANA WA MIAKA 19 AWAPIGA RISASI NA KUWAUA WATU 17 KATIKA SHULE MOJA YA SEKONDARI NCHINI MAREKANI.

 
WATU wasiopungua 17 wameuawa na makumi ya wengine wamejeruhiwa baada ya kijana mmoja mwenye umri wa miaka 19 kufyatua risasi katika skuli moja ya sekondari ya eneo la Parkland katika jimbo la Florida nchini Marekani.


Kwa mujibu wa polisi, muuaji huyo ambaye ameshakamtawa na ambaye amejulikana kwa jina la Nikolaus Cruz, alikuwa mwanafunzi wa zamani wa shule hiyo lakini alifukuzwa kwa sababu ambazo hazijabainishwa za utovu wa nidhamu.
Cruz.
Ripoti ya Polisi imeeleza kuwa katika tukio hilo lililojiri hapo jana, Cruz kwanza alianza kufyatua risasi kutokea nje ya skuli kabla ya kuingia ndani na kuanza kuwafyatulia risasi wanafunzi wa skuli hiyo ya Marjory Stoneman Douglas.
Maafisa wa hospitali katika jimbo la Florida wamesema hadi sasa watu 17 wamethibitika kuwa wameuawa na wengine 20 hadi 50 wamejeruhiwa, ambapo hali za baadhi ya majeruhi ni mahututi.

 Watu wakitolewa nje ya eneo la shule ya Marjory Stoneman Douglas baada ya mauaji hayo kutokea huku wengine wakijeruhiwa. (Photo by Joe Raedle/Getty Images)
 Rais Donald Trump wa Marekani, ambaye yeye mwenyewe ni muungaji mkono wa sera ya uhuru wa kumiliki silaha nchini Marekani amesema kupitia ukurasa wake wa kijamii wa Twitter kuwa: haipasi mtu yeyote ajihisi hana usalama katika skuli za Marekani.


Kila mwaka maelfu ya watu huuawa na kujeruhiwa katika maeneo mbalimbali nchini Marekani katika matukio mbalimbali ya ufyatuaji risasi. Kwa mujibu wa ripoti rasmi kuna karibu silaha moto za mkononi milioni 270 hadi milioni 300 nchini Marekani, ikiwa na maana kwamba, kwa wastani kuna silaha moja moto kwa kila raia mmoja wa nchi hiyo.
Licha ya miito inayoendelea kutolewa kila leo na makundi ya kutetea haki za kiraia nchini Marekani, lakini kutokana na ushawishi wa lobi za viwanda vya utengezaji silaha, hakuna serikali yoyote ya nchi hiyo ambayo hadi sasa imeweza kutunga sheria ya kudhibiti uuzaji silaha kwa raia nchini humo.

Kikosi cha zimamoto na uokoaji kikiwa eneo la tukio kutoa msaada. (Photo by Joe Raedle/Getty Images)

BALOZI WA JAPAN AKABIDHI SOKO LA KIMATAIFA LA SAMAKI KASENDA.

Kushoto  ni  Balozi wa Japan nchini Tanzania , Masaharu Yoshida akiwa na mkuu wa mkoa wa Geita ,Mhandisi Robert Luhumbi baada ya kukabidhi  soko la samaki la kimataifa la Kasenda  lililopo kata ya Mganza Wilayani Chato lililojengwa kwa ufadhili wa serikali ya Japan. 


Balozi wa Japan nchini Tanzania , Masaharu Yoshida akizindua kwa kuweka jiwa la msingi kwenye mradi wa soko la samaki la kimataifa la kasenda pamoja na mkurugenzi wa halmashauri ya wilaya ya Chato ,Mhandisi Joel Hari.

Balozi wa Japan nchini Tanzania , Masaharu Yoshida  akisalimiana na mkuu wa mkoa wa Geita,Mhandisi Robert Luhumbi wakati wa hafra fupi ya kukabidhi soko la kimataifa la Samaki.

Mkuu wa mkoa wa Geita,Mhandisi Robert Luhumbi akibadilishana mawazo na Balozi wa Japan nchini Tanzania , Masaharu Yoshida  pamoja na mbunge wa jimbo la Chato Dk,Medard Kalemani.

Jiwe la msingi ambalo limewekwa na Balozi wa Japan nchini Tanzania , Masaharu Yoshida  kwenye soko la samaki la kimataifa la Kasenda.

Balozi wa Japan nchini Tanzania , Masaharu Yoshida akiwa kwenye picha ya pamoja na viongozi wa serikali pamoja na chama cha mapinduzi(CCM)

Balozi wa Japan nchini Tanzania , Masaharu Yoshida  akizungumza na wananchi baada ya shughuli ya kukabidhi na kuweka jiwe la msingi kwenye soko la samaki la kimataifa.

Muonekano wa soko la Samaki la Kimataifa la Kasenda Wilaya ya Chato mkoa wa Geita

Mkuu wa Mkoa wa Geita,Mhandisi Robert Luhumbi na Balozi wa Japan nchini Tanzania , Masaharu Yoshida  wakiweka saini kwenye vitabu vya wageni.


Na,Joel Maduka,Chato.

Balozi wa Japani nchini Tanzania Masaharu Yoshida  kwa kushirikiana na serikali ya mkoa wa Geita amezindua rasmi soko la kimataifa la uuzaji samaki la kasenda lililojengwa kata ya mganza wilayani chato mkoani hapa kwa hisani ya watu wa Japani.


Soko hilo lililopo kata ya Muganza lina jumla ya wafanyabiashara wa samaki zaidi ya 240 limegharimu jumla cha Shilingi milioni 320 za kitanzania hadi kukamilika kwake ukarabati uliohusisha pia ukarabati wa soko la zamani. 


Akikabidhi soko hilo kwa Halmashauri ya Wilaya ya Chato Balozi wa Japan nchini Tanzania mhe. Masaharu Yoshida amesema kukamilika kwa ujenzi wa ghala la kuhifadhia samaki na dagaa kutasaidia kuokoa mazao mengi kutoka ziwani hususan samaki na dagaa.

“Soko la samaki la Kasenda halikuwa na miundombinu ya kuhifadhia samaki ambapo zaidi ya tani 200 za samaki zilitupwa kila mwaka kutokana na kuharibika ambapo serikali” alisema Mhe Masaharu.


Wakati huo huo serikali ya Japan imesaini mkataba na Halmashauri ya Wilaya ya Chato ya ukarabati wa barabara kwa kiwango cha lami yenye urefu wa kilometa moja kutoka Muganza hadi Kasenda mahali lilipo soko hilo kwa thamani ya shilingi milioni 197.


Waziri wa Nishati mhe.Dkt. Medard Kalemani ambaye pia ni mbunge wa jimbo la Chato ameishukuru serikali ya Japan kuendelea kushirikiana na serikali ya Tanzania. Alisema serikali ya Japan kwa muda sasa imekuwa ikishirikiana na Wilaya ya Chato na hii inatokana  na uhusiano mzuri ulioanzishwa na mbunge wa Chato kwa wakati huo mhe. John Pombe Magufuli.


Mkuu wa Mkoa wa Geita mhandisi Robert Gabriel  amewataka wananchi pamoja na uongozi wa soko kushirikiana na uongozi wa Halmashauri ili kuhakikisha malengo ya uanzishwaji wa soko hilo yanatimia likiwemo suala zima la ukusanyaji wa mapato.


Mbali na kuhudumia soko la ndani ya nchi, soko hilo la kimataifa la Kasenda limekuwa likihudumia baadhi ya nchi za jirani kama vile Congo DCR, Rwanda, Burundi na Uganda.Ambapo  linakadiriwa kukusanya Zaidi ya shilingi milioni 140 kwa mwaka.